ኣብ መደምደምታ እምበኣር፡ እዚ እገዳ ‘ዚ ሳዕቤን ምልክን ዘይግሉጽን ኣሰራርሓ እዩ። እቲ ጠንቂ ድማ ዘይሕተትን ከምቃሕ ዝበሎ ዝሃልል መንግስቲ ስለዘለና እዩ። ነዚ ክሳብ ዘየወገድናዮ ድማ ካልእ ውን እንተመጸ ዘገርም ክኸውን የብሉን። ንዓና ኣብዚ ጉዳይ ዘሕጉስን ዘጉህን ዋላ ሓደ ምኽንያት የብልናን። እንታይ ደኣ ነቲ ጠንቂ ካብቲ ሳዕቤን ፈሊና ክንኣልዩ ከይተሓለልና ክንሰርሕ ኣሎና።

ዝኾነ  ምትእኽካባት ናይ ሰባት ዘለዎ ጉዳይ ኣብ ምርድዳእ ምብጻሕን ኣፈታትሓ ዘይምርድደኣት ምእላይን እንተዘይማዕቢሉ ክዓብን ክስስንን ዝኽእል ምጥርናፍ ክህሉ ዝከኣልን፡ ዝሕሰብን ኣይኮነን። ነዚ ክውን ንምግባር ድማ እቲ ምትእኽኻብ ወይ ምጥርናፍ ክዕዘቦም ዘለዎን ክሓልፎም ዝግብኦን መስርሓት ኣለው። ካብዚ ቀጺልና ድማ እዞም መድረኸታን መለለይኦምን ዝሓትዎ ዋጋን ብሕጸር ዝበለ ክንርእዮም ክንፍትን ኢና።