ኣህጉራዊ ኮምሽን ካሕሳ ኤርትራን ኢትዮጵያን፡ ብዕለት 17 ነሓሰ፡ ኤርትራ ንኢትዮጵያ ልዕሊ 10 ሚልዮን ዶላር ካሕሳ ክትከፍላ ወሲኑ።

ቁጠባዊ ማሕበራውን ፖለቲካውይን ጉዳይ ኤርትራን ኤርትራውያንን ዝይዳ ኣሻቃሊ ኾይኑ ኣብ ዝኸደሉ እዋን፡ ብኡ መጠን ምንቅስቃስ ኤርትራውያን ንሰላምን ሓርነትን ፍትሕን፡ ካብ መዓልቲ ናብ መዓልቲ ዝያዳ ሓይሊ እንዳደልበን ብብዝሒ መንእሰያት እንዳ ኣሳተፈን ይኸይድ ከምዘሎ እዩ ዝተፈላለዩ ጸብጻባት ዝሕብሩ። ሓደ ካብዞም ምንቅስቃሳት፡ ናይቲ ኣብ ዝሐለፈ ወርሒ ኣብ ሰሜን ኣሜሪካ ዝቖመ ዓለምለኻዊ ምንቅስቃስ መንእሰያት ኤርትራውያን እዩ።

ብቅድሚ ትማሊ፡ ዕለት 9 ነሓሰ፡ ልዕሊ 400 ዝኾኑ ስደተኛታት፡ ካብቲ ኣብ ሊብያ፡ ኣብ ከተማ ቢልቓዚ ዝርከብ፡ ዳንፉዳ ተባሂሉ ዝፍለጥ ቤት ማእሰርቲ፡ ንማዕጾ እቲ ቤት ማእሰርቲ ብሓይሊ  ሰሮም ክወጹ ስለ ዝፈተኑ፡ 5 ክሞቱ ከለው፡ ካልኦት ኣስታት 70 ዝኾኑ ድማ፡ ከቢድን ፎኩስን መቁሰልቲ ብኣባላት ሓለዋ ጸጥታ እቲ ቤት ማእሰርቲ ወሪድዎም ከም ዘሎ ካብቲ ቤት ማእሰርቲ ዝመጸና ጸብጻብ ይጠቅስ።

ኣብዚ እዋን ኣብ ማዕከናት ዜና ዓለም ብሰፊሑ ተዘርጊሑ ዝርከብ ሓበሬታ፡ ምብጻሕ ሓላፊት ወጻኢ ጉዳይት ሕቡራት መንግስታት ኣሜሪካ፡ ሂላሪ ክሊንተን ናብ ከተማ ናይሮቢ፡ ኬንያ እዩ።

ኣብ ዝሓለፉ ክልተ ዓመታት ጥራይ ካብ ዝተፈላለዩ ገዳማት ዝተዋጽኡ ልዕሊ ሓደ ሽሕ ዝኾኑ ኣቕሽሽትን ፈለስትን ኦርቶዶክሳዊት ቤተ ክርስትያን ኤርትራ ኣብ ትሕቲ ቀይዲ ስርዓት ኢሰያስ ተዳጉኖም ከም ዘለው ምንጭታት ካብ ውሽጢ ዓዲ ይገልጹ።

ብመንጽር ካልኦት ጽላታት ንግዲ፡ ዝያዳ ብልጫን ሓለፋን ዝጸንሐን፡ ንግዳውያን ትካላት ቤት ጽሕፈት ህግደፍ፡ ብምሒር ሕጽረት ናይ ወጻኢ ባጤራ ኣብ ከቢድ ቅልውላው ከም ዝርከባ ጸብጻባት ይጠቅሱ። ነዚ ቅልውላው ንምቅላል፡ ኣብ ዝሓለፉ ሒደት ኣዋርሕ፡ እቲ ቤት ጽሕፈት ካብ ነጋዶ ጸሊም ዕዳጋ ዶላር ንምዕዳግ ክገብሮ ዝጸንሐ ፈተነ ድማ፡ ብዙሕ ፍረ ከምጸኣሉ ኣይከኣለን።

ማእሰርቲ ኡስታስ ኣሕመዲንን ካልኦት “ናይ ማይ ጭሆት” ተባሂሎም ዝፍለጡ ምእመናን እስላምን፡ ብምትሕብባር ቤት ጽሕፈት ሙፍቲ ኤርትራን ትካላት ሓላዋ ጸጥታ ስርዓት ኢሰያስን ይፍጸም ከምዘሎ ጸብጻባትና ካብ ኣስመራ ኣረጋጊጽና ይብሉ።

ላዕለዋይ በዓል ስልጣን ወጻኢ ጉዳይት ኣሜሪካ፡ ሚስተር ጆኒ ካርሶን፡ ስርዓት ኢሰያስ ምስ ምምሕዳር ኦባማ ዝምድናኡ ከመሓይሽ እንተደኣ ኾይኑ፡ ካብቲ ኣብ ሶማል ዘሳውሮ ዘሎ ዘይምርግጋእ ክቑጠብ ኣለዎ ክብል ትማሊ መግለጺ ከምዝሃበ ሮይተርስ ሓቢሩ ኣሎ።

ሓደ ካብቶም ኣብ ልዕሊ “ናይ ማጭሆት” ተባሂሎም ዝፍለጡ ምእመናን እስላም ልዑል ተቀባልነት ዝነበሮም ኣቦ፡ ኡስታዝ ኣሕመዲን፡ ካብ ሃድን ሓለዋ ጸጥታ ስርዓት ኢሰያስ ኣምሊጦም ናብ ሱዳን ኣትዮም ዝብል ወረ ካብ ሓቂ ዝረሓቀ እዩ ይብሉ ካብ ኣስመራ ዝመጹ ምንጭታትና።

ሰፊሕ ክፋል ካብ ዜጋታት ሽወደን፡ ነቶም ኣብ ልዕሊ ጋዜጤኛ ዳዊት ኢሳቕ፡ “ሓቅነቱ ዘይተረጋገጸ ክሲ ብቀጻሊ ዝስንዝሩ ዘለው ኤርትራውያን ሽወደናውያን ኣብ ሕጊ ክቀርቡ ኣለዎም” ዝብል እማመ የቅርቡ ከምዘለው ምንጭታትና ካብ ሽወደን ሓቢሮም ኣለው።